بكره يوم دوام جامعي
الشب: لصحابه طبعا بكره عندي دوام بجامعه
صحابه: طيب شو يعني خليك سهران شويه (طبعا السهرة بلياردو ونت وبيحكو عن هدي وهديك وبتخلص سهرتهم ساعه 4 صبح )
البنت : لصاحبيتها على الموبايل شو بكره البس لجامعه
البدي الاحمر ولا الموف ولا الاخضر.......ولا تنوره.....طبعا ما بتوصل لنتيجه
وبتجرب كل التياب الي عندها بالخزانه
وممكن تستقر على شي وممكن لا وبعد هيك اعمل شعري ستريت ولا كيرلي
وبتنام وهي بتفكر شو بدها تلبس بكره لجامعه
هلأ دوام الجامعه
الشب : بيصحى من النوم على الساعه 9:30
طبعا لانه كان سهران طول اليل
وازا بلحق ممكن يغسل وشه وازا ما لحق ما في مشكله بيقوم من النوم
وعلى طول على الجامعه
البنت: بتصحى الساعه 5:00
صبح وبتقرر انه اللبسه الي اختارتها بالليل مو حلوه
فبتبدأ عمليه البحث عن لبسه جديده تناسب مزاجها.......
وهلأ ساعه 9:30 وهي لسه ما خلصت لبس بتطلع من البيت بسرعه
من العجله بتنسى عده Make up فبترجع للبيت بسرعه لتجيبها
ولا تنسو بتكون البنت ما خلصت لبس يعني لسه في اشيا بالميك اب ما خلصتها
حقيقه علميه: " عده الميك اب تساوي بالاهميه الموبايل وتكون اهم من دفتر المحاضرات او الفلاش او اي شي لاله دخل بالدراسه عند بنات جامعه" .......
محاضره الساعه 10
الشب: طبعا اكيد بيوصل متاخر وصل المحاضره 10:20
الدكتور: انت متاخر ما في تدخل المحاضره
الشب: بيبدا المسلسل المكسيكي من الكدب
"يا دكتور انت عارف انا ضليت سهران طول الليل بشغل لاني بصرف على العيله............................."
طبعا موال الكدب المتعارف عليه وبيدخل المحاضره والدكتور شوي وببكي على حالته
البنت: طبعا اكيد هي كمان متاخره بتوصل ساعه 10:11
ما بتقبل تدخل للمحاضره برستيجها ما بيسمحلها تسمع كم كلمه من دكتور قدام طلاب
واصلا لسه ما خلصت الميك اب
وبتعرفوا في لالنا 6 غيابات بالفصل من حقنا
لهيك عادي بتروح على التواليت وبتخلص الميك اب الي لالها
وبعدين بتشتري هوت شوكلت وبتشربها برواء
" هدا احسن من كل المحاضرات"
باقي 10 دقايق للمحاضره التاليه
الشب : شباب بدي جيب قهوه لدخن حدا بدو شي
صحابه : باقي 10 دقايق للمحاضره ما بتلحق
الشب : يعني دكتور بدو يطير ازا تاخرنا شوي
عادي يا زلمه هلا بجبلك معي قهوه
اصلا استنى شوي بدي احكيلك شو صار معي مع البنت .....
"طبعا بدو يشرب قهوه ويناقش قصه ب 10 دقايق
البنت : بنات باقي 10 دقايق للمحاضره
دوبنا نلحق نحجز مكان بالتواليت لحتى نعمل re-fresh ل Look
صاحبيتها: لا تنسي تحجزيلي مرايه جنبك اوك
" بتعرفوا القصه فيها حجز وفكركم بتخلص ورشه الميك اب في 10 دقايق؟؟؟؟؟؟
خلص دوام جامعه وهلا وقت الترويحه" كالعاده الازمه"
الشب : ولا بيهمه بيجي بيطير البنات الي حواليه
وبيركب بالباص وبروح وبتغدى وبنام .........
والبنت المسكينه: بابا ازمه كتير تعال خدني
نهايه الفصل The Moment Of Truth
الشب صلو على النبي لتحسدوه
1st: 2/20
2nd: 5/20
Project: ما عمله ما كان فاضي بتعرفو مشاغل
Final: 15/50
الشب لدكتور دكتور لازم نزل الماده A+
طبعا الدكتور مصدوم ليش يا ابني
الشب : مسلسل كدب مكسيكي كامل "دكتور بتعرف انا بشتغل وبدرس ومعيش العيله وجيران على حسابي "
طبعا الدكتور ما بيقتنع
وهنا ياتي فيلم الكدب الهندي
"دكتور انت ما بتعرف ايش صار معي اختي هربت مع ابن الجيران وابوي انتحر
وملاحظه مهمه: هدا الشب ما عنده اخوات وممكن يكون وحيد
هلا البنت
1st: 4/20
2nd: 8/20
" درست منيح للامتحان التاني ما تفكروا ال 8 اجت من فراغ ههههههههه"
Project اكيد ما عملته ما في وقت دوبها تخلص شوبنج وميك اب
Final 13/50
البنت لدكتور دكتور لازم الماده A+
دكتور ما سمعت عيدي
البنت A+ دكتور
البنت دكتور بابا حلف يمين ازا ما برفع معدلي هدا الفصل حيجوزني لابن البواب
انت بترضى يا دكتور هيك يصير فيه
الدكتور مو مقتنع
وهنا المكون السري بتصير البنت تبكي وما بتسكت
الدكتور خلص يا بنتي A+ بس بكفي بكى
الدكتور خلص ضلك نزلي عندي مواد ولا تحضري وبنزلك ياهم A+
بس بكفي بكى
ما في فايده خلص أله البكاء اشتغلت ومستحيل تتوقف
هيك حال شباب وبنات جامعتنا
موضوع: يوميات شباب وبنات الجامعة ..... 
