ياسراب الصيف ماتروي ضماي
ماتبل الريق دام انك سراب
في طريق الشوق عجلات خطاي
في مسار الترف يجزاني عتاب
حارم ٍ عطفه وهجرانه جزاي
لو رفعت الصوت مارد الجواب
ماهقيته فيه خيب لي رجاي
الامل عقب الرجا بالشوق خاب
ياسحابة صيف مرت في سماي
لوتبي تمطر ماهي مثل السحاب
تمطر الحرمان وينبت به شقاي
وانا شاب القلب في سن الشباب
يرخص العله ولايرخص دواي
يبخل بوصله وجوده بالغياب
معلن هجره ولا وضح خطاي
وكل مايبغاه هو عين الصــواب
يتضح شوقي وحرماني وعناي
ويتضح هجره وصده والعذاب
ردودكم لا هنتو يالغالين
موضوع: يا سراب الصيف 
