msha3l عضو ذهبي
عدد المساهمات : 1508 العمر : 25 الموقع : Rio العمل/الترفيه : كل عينٍ تراك .. ليتها عيني ~ المزاج : سبحان الله وبحمده .. سبحان الله العظيم تاريخ التسجيل : 19/11/2010 الهواية : المهنة :
| موضوع: (( عندمــا تجتمع الكراتين وتضيع الفصحى )) الإثنين فبراير 14, 2011 3:22 pm | |
| (( عندمــا تجتمع الكراتين وتضيع الفصحى ))
اليوم :الأثنين الموافق : 14/2/2011 المكان : k.s.a / الرياض الحدث : زواج ماوكلي × لينه طبعا بتستغربون وين عدنان عنها ليه ماتزوجها ؟ عدنان يدرس حاليا في اكبر معاهد اليونان لتعلم السباحه والغوص وكان ناوي يتزوج لين أول مايرجع بس للأسف ماوكلي استغل غيابه وسبقه عليها .. عاد القسمه والنصيب وماتسوي .
الشخصيات : الجد : راعي البيت الأنسه منشن : الأم هايدي : طليقة بيتر نعمان وعبسي : الجيل الواعد الصبايا: سالي وصديقتها آلمنقارد وليدي ولينه فلونه : لقيطه لاقينها وهي صغيره في جزيرة فرسان جنوب السعوديه الجيران : الجار الأول (بباي وحرمه زيتونه ) الجار الثاني ( كراش ) وحداني مغترب .
المشهد الأول / الجد كالعاده يحتسي قهوته الصباحيه داخل بيت الشعر وامام المدفئه : عبسي ياولدي الهمام افرش الفرشات وزين المحل للضيوف عبسي " معصب " : الحين ماتشوف إلا انا , نعمان شفه يمك ماغير جالس وياكل ! نعمان " ياكل جالكسي " : انا رجلي توجعني ماقدر اشيل شي .
المشهد الثاني / داخل المنزل الأنسه منشن : اخلصن يابنات عجلن من الفطور الساعه داخله ع 11 وللحين مارحتن للمشغل . لينه العروس : يمه ليكون عازمه زيتونه !! الأم : جارتنا وجايبه لك هديه اكيد بنعزمها . هايدي : بذمتك تسمين هالخاتم الفالسوو هديه ! ليدي المغروره : قسم بالله لو انا مكانك لارميه بوجها واقضبها الباب . سالي المزيونه : حرام عليكم والله زيتونه اتهون قدام فله وبزارينها السبعه الله يستر بس لاتجيبهم معها ويحوسون الدنيا . فلونه جايه طايره : يالله يابنات عبسي ينتظرنا فالسياره .
( فلونه حاطه عينها على عبسي وتشوف ان فيه كل مواصفات فارس الأحلام )
المشهد الثالث /
( في صالون اللؤلؤه الفضيه بالروضه)
لين وعلامات الخوف على وجهها : ياربي مدري وش فيني احس رجولي مهي شايلتني . سالي : ياحياتي هذا شي طبيعي اقري المعوذات . فلونه : بنات وش رايكم بتسريحتي ( حاطه بوف كبر راسها مرتين ) ليدي : قسم بالله مالك داعي يازين البساطه بس فلونه : مااخذت رايك انتي . بعدين انتي آخر وحده تتكلم عن البساطه .
ليدي : ليه وش فيني . فلونه : شوفي شعرك وانتي تعرفين قال بساطه قال . هايدي : بس عاد فضحتونا .. بنات تتوقعون بيتر يجي للزواج سالي : ياقلبي .. انتي للحين تفكرين فيه . والله مااتوقع يجي بعد إلي صار . هايدي : ياليته يجي والله اني ندمانه على اللي سويته الظاهر اني تسرعت ملاحظه : سبب طلاق هايدي انها شكت في بيتر انه يخونها مع آلمنقارد صديقة سالي . فلونه : تبين نصيحتي .. اول مايجي ويتأسف منك سوي نفسك ثثقيله واشترطي عليه يكتب لك كم راس من الحلال بأسمك كهدية صلح مو ترجعين له كذا بالساهل .
المشهد الرابع /
في مجلس الرجال عبسي ونعمان يصبون القهوه للضيوف
وفي حديث جانبي بينهم . عبسي : تصدق ابوي عازم جورج قرداحي . نعمان : قل قسم !! عبسي : أي والله العظيم بس مااتوقع يجي , الأم بي سي مشترطه عليه مايطلع في المناسبات الخاصه نهائيا . نعمان : ياليته يجي بصور معه والله ملسون لو اقوله ماهوب مصدق إلا لما يشوف صورنا مع بعض . عبسي : والله انك على نياتك حتى لو ماجاء اقدر اركب صوركم في صوره وحده وفالمكان اللي انت تبيه بعد . عبسي : سبحان الله .
المشهد الخامس العريس يجري اتصال مستعجل مع بيتر .
ماوكلي : بيتر تكفى وانا اخوك تعال الحين بسرعه انا فالفيصليه ومدري أي بشت آخذ .. البيج والا الأسود بيتر : وش اللي يجيبك يم البيج وهالألوان ! مستحلي لون بشرتك البرونزي انت ووجهك . خذ الأسود واخلص . ماوكلي : طيب طيب .. طوط طوط .. سكر الخط
المشهد السادس / ( في قاعة الحريم والأجواء الصاخبه ) طقت الطقاقه : ( وقولو بسم الله على غزالِ طب ... الخ ) وطبت سالي مزيونة العائله باندفاع شديد وتلفح بهالشعر الحريري ( خبركم عتيق الحين شعرها للأرداف وكله بفضل الله ثم خلطة آلمنقارد اللي اخذتها من منتديات شمواه ) وتعالت اصوات الـ لووووولوووليش
شي بشعور وشي بدون شعور انبهارا بجمال سالي الفتان الأنسه منشن تقف من بعيدو مبسوطه جدا من سالي كبر راسها 180 درجه زودِ على كبره . وبعدها طقت الطقاقه مره ثانيه ( وخوالي يرفعون الراس أهل نجر واهل محماس .. الخ ) وتطب فلونه ام بوف دفشه وماتعرف ترقص . وفي هالأثنــاء حديث جانبي متفرجتين : : الله واكبر عشششتو خوالي وخوالي مصدقه عمرها هاللقيطه !! : يلعبون على عقولنا عسى بس ماانخطببها هههه
المشهد السابع
( في مجلس الرجال )
حديث جانبي بين كراش وبباي .. بباي : اقول ماكأنهم تأخروا بالعشاء كراش: الا والله تأخروا الظاهر ينتظرون قرداحي يقولون بيجي .. بباي : اما قرداحي كراش : ايه شكلها مطوله سهرتهم مادام فيها شخصيات واقعيه بباي : اجل اطلع الزقاير احسن !
المشهد الأخير /
منامام المنزل رأى الجموع الغفيره وعقود الأناره تزين الفناء . نزل عليه الخبر كالصاعقه زواج من ...؟ ( ماوكلي × لينه ) . نعم رجع عدنان بعد طول الغياب يحمل بيده شهادة التخرج . لكن للأسف تأخر كثيرا في العوده طارت الطيور بأرزاقها ولينه الحين زوجة صديقه ماوكلي . اشتاظ غضب عدنان ولم يعد يقوى على الحراك من هول الخبر .. ماوكلي ولد الذيابه يتزوج لينه !!!
وفي مشهد مرعب مهوووول سكب عدنا ن الماده المشتعله واضرم النار في المنزل وجميع من فالحفل راح في خبر كان . لينه وليدي وهايدي والأنسه منشن وفلونه اللقيطه وزيتزنه وفله وابناؤها السبعه وبباي والجد وكراش وعبسي كلهم قضوا في هذه النهايه المأساويه الله يرحمهم جميعا . وعدنان حاليا في سجن الملز ينتظر حكم القصاص وابشركم ابشركم نعمان لا يزال على قيد الحياة اصلاماكان موجود فالبيت وقت الحادث لانه طلع للبقاله يشتري جالكسي والحين عايش في دار الأيتام ويبلغ وزنه40كيلو بعد ماكان 700 كيلو .
" انا لله وانا إليه راجعون "
منقوول
bye | |
|
اكرهك هانا مونتانااا عضو موقوف
عدد المساهمات : 180 الموقع : في بيتنا جنب بيت جيرانا العمل/الترفيه : مشــك ــلـجيه المزاج : عــكرني المنتدى تاريخ التسجيل : 10/12/2010
| موضوع: رد: (( عندمــا تجتمع الكراتين وتضيع الفصحى )) الإثنين فبراير 14, 2011 3:32 pm | |
| السسموحه . بس اقولج رأيي ولاتزعلــين ..
يــعـني الموضوع ح ــاـو بس بنفسس الوقـــت خـآأيس لاـــنه طوويل ح ــيل علــى شي تـآأفه معليش بس حـطي شي يفييد الاعضضاء وييفيييدج انتي ب ــع ــٍـٍـٍـد .. :o :o | |
|
msha3l عضو ذهبي
عدد المساهمات : 1508 العمر : 25 الموقع : Rio العمل/الترفيه : كل عينٍ تراك .. ليتها عيني ~ المزاج : سبحان الله وبحمده .. سبحان الله العظيم تاريخ التسجيل : 19/11/2010 الهواية : المهنة :
| موضوع: رد: (( عندمــا تجتمع الكراتين وتضيع الفصحى )) الإثنين فبراير 14, 2011 3:45 pm | |
| أوكيــ | |
|