معانات مع الاسفلت!!

^

وازيدك من الشعر بيت في غرب وجنوب الرياض الحفريآت اصبحت جزء لا يتجزأ من حيآه القآطنين في هذه الأحيآء ! احترفنا لعبه المآريو وصرنآ نطآمر من مكآن الى اخر تجنبآً للحفريآت !

مدري اللوم يقع على بلديه الريآض ولا على هيئه التطوير ولا على أمير الريآض ولا على فلآن وعلآن ! شوارعنا ضيقه وزحمه وقرف وصآبرين غصب علينا و كل ما ادخل حاره ولا حي في احد الاحيآء لآزم اكل لي مطب مخفي ( المطب نفس لون الزفلت وما تقدر تعرف اذا فيه مطب او لا ) ولا اطيح في حفره تعدم علي المساعدات والاذرعه والركب ويمكن بعد تعدم علي بويه السياره , اكثر الناس تعاني من سوء سفلته الطرق ومن سوء التخطيط الفاشل عندنا كل يوم والآ هم حآفرين في حي وتحصلهم مسببين ازعاج بمعداتهم من صباح الله خير يكسرون ويحفرون وينكدون على راحه خلق الله !

نأتي الى الشآحنآت والوقت المسموح لهم في القياده والمسار المحدد لهم . بصراحه اغلب الشاحنات تسير بسرعة خياليه وفوق هذا كله داخل المدينة - وتواجدها على مدى 24 ساعة ومافيه وقت محدد لعبورها وتتفآجأ بعض الاحيان وانت في المسار السريع الايسر تريله وراك تكشح بالنور العالي مسرعه تبي تتجاوز لازم وجود حلّ بصراحة ولا ارواح الناس عليها السلام ! واتمنى ايضاً متابعة التزام قائد المركبة بسرعة المسار المتواجد فيه يعني بالعربي تلقى واحد يمشي 20 بالمسار السريع هذا ودك تعطيه مخالفتين لتعطيله حركة السير وعدم التزامه بالسرعه المحدده بالمسار المتواجد فيه
والله قهر تمسك طريق الملك فهد وتقول اوف زحمه وما تدري انه واحد قدامك بخمس سيارات يمشي على هونه والطريق قدامه فاااضي بالله هذا مهو تعطيل حركة السير.

بعدين بخصوص خط المشاه انا اخبره يكون بعد الاشاره , بالله عليكم قد شفتو خط مشاة قبل الاشاره!!!
المفروض خط المشاة بعد الاشاره مو قبلها... يعني لو تشوفون السيارات كيف متقدمه على خط المشاة في الصورة.. بس اكيد الي مخطط الشارع بنقالي...!

يالله رحمتك بس انآ مآني مصدق ان عآصمه آغنى دوله في العالم لازآلت تعاني من الفشل الذريع في زفلته وتخطيط الشوارع , يعني حتى الواحد تحصله توه مطلع سياره وكاله موديل السنه 2011 وتحصله ثاني يوم في الورش والصناعيه القديمه او صيانه الوكاله يسوي وزن اذرعه ودركسون كله بسبب هالحفريات !

حتى لما تروح تقدم معامله وتسوي طلب سفلته او أناره شآرع مآ او شكوى على مطبآت مخالفه ستجد نفسك تآئه في اقسام كثيره جدا ومواعيد ليس عليك بها بسلطان وبعد المراجعه المستمره قد يتم تنفيذ طلبك وقد يرمي ملف معاملتك في الارشيف كأي معامله سابقه ! ولكن اذا اردت ان يتم تنفيذ هذه المعامله في وقت قياسي فما عليك الا ان ( تدهن السير ) بكم ريآل وسوف تجد طلبك منفذ في اقل من يومين - سبحان الله !! - بالحرام تقوم امورك , وصار هذا الامر معروف عند الكثيير !
فبدلا من ان يقدم معاملته فيها اوراقه فإنه يقدمها وفيها المبلغ الذي يستطيع دفعه - وهكذا تزِين اموره كلها ! وهالشي موجود في اغلب الدوائر الحكوميه للآسف !

اخليكم مع بعض الصور لبعض شوارع المملكه وياقلب لا تحزن !

حشا كأنك في احد ازقآت افريقيا
الحي يحييك والميت يزيدك غبن !

اظآهر نهآيتنا رآح نمتطي الآحصنه ونرتآح من معآنآتنآ مع الحفريآت والمطبآت !

لا فيه اذرعه ولا ركب ولا مساعدات وما تحتاج لا زيت محرك ولا بنزين ولا زيت دركسون ولا نفخ كفرات , كل ما في الامر تعبي هالمزيون مويه اقصد تشربه مويه وتأكله اندومي وتبركنه بالحوش يالبيه يالحل الخونفشاري << تلايط