عصبي فتح منتدى

السلام عليكم ورحمة الله وبركاته

صباح الورد و الجوري لاحلى اعضاء
كيفكم ان شاء الله دوم بخير ...,,

المهـــــــــم

عصبي فتح منتدى جديد شوفوا شروووطه..

لقد تغيرت شروط التسجيل في المنتدى....

وتم تغيير مسمى المنتدى ليواكب مرحلة ما بعد الحرب البآآآردة

اعرفوا الشروط زين....وافهموها....

واللي ما يبي هالشروط جعل أصابعه اللي طقت على الكيبورد

الكســــر...

ولو ما عليه كلاآآآفة يطق راسه بأقرب جدار....حنا ما نلعب....واللي يبينا حياه الله بيننا....فهمتوا..

بما إن هذا الموقع موقعي بروحي لابارك الله فيكم وفي الساعة اللي فتحت لكم هالموقع....
فاللي يبي يسجل معنا يوافق على الشروط من ورى خشمه....

والشروط هي...

1- اللي يسب أي واحد من الأعضاء بنجيه وبنربط حواجبه في صدامات الهايلكوس

وبنروح ونطعس فيه بأقرب طعس...
قايلكم حنا ما نلعب..

2-اللي بيخربط بالدين ولا بالسياسة....هذا عذابه عذآآآب..!! بخليه يتخيل إنه قرد ولاآآآآ عمره ذاق موز....

وأبحجز له على أقرب رحلة على طيارة ترش الجراد وابرقى فيه على ارتفاع 50000 ألف قدم
وبرضخ به على خوص نخلة...علشان ما يعود لها.....
قايلكم حنا ما نلعب..

3- أنتم أعضاء لكم تكتبون بس....ولاأحد فيكم يسوي لي فيه مراقب مانبي مراقبين.....

فهمتوا وإلا أفهمكم...

4- مسموح الذب...والذب هي كلمه آتيه من الذباب وهي فعل مضارع جمع تكسير مضارع ..

بسيط...فهمتوا...صح ولا ماهو صح...قولوا صح لابارك الله بالساعة اللي جمعت هالخشش فيها...

واللي بيزعل من الذب بنخربط وجهه ونخليه يطالع في المراية ويطلع الأخطاء التسعة عشر....

ايه تسعطعش...ساحتنا وحنا حرين فيها

5- اللي بيسجل بأسماء قبايل وعوايل...وإلا مخلة بالأدب....هذا بنوديه لأقرب واحد يكويه

..وبعدين بناخذه لأقرب جليب...وبنغطسه وبنطلعه...ونغطسه ونطلعه إلييييييييييين مايقول....

أشهد إن الددسن سيارة... قايلكم ما نلعب...

6- قريتوا الشروط........هاآآآه عجبتكم....فهمتوها...طيب ما عندنا تسجيل هالأيام....واللي يبي يسجل

معنا يرسل لي إيميل على التلفون حقي اللي ماني ذاكره لكم...لأن الدعوة عناآآآآد...واللي براسه حب ما

انطحن....تراي أبطحنه له....وإذا فيه خير يقابلني وين مايبي....

ملاحظة......
اللي بنكتشف إنه رجال مشورب ويكتب بأسماء بنات...وإلا بنات تكتب بأسماء رجالية هذولي بنخلي
خششهم كلمات متقاطعة يصعب حلها.....والله ما يضرب بعصا ياآآآآ سرع طيحتهم..!!

موافق.................

غير موافق...............

واللي فيه خير يكتب غير موافق.......

هههههههههههههههههههههههههههههههه

تحياتي Razz

مــــــــــــشـــــــــــــــكــــــــــــوووووووووووووووووووووووووووووره

هههههههههههههههههههههه

أما أشهد أن الددسن سياره!!

هههههه يــســـلـــمـــو حبيبتي

هههههههههههههههه مشكورة على الموضوع العسل مثلك
يسلموووووووووووووووووو

» عريس عصبي شوفو وش كتب في كرت الزواج
» منتدى روعه
» منتدى بنوتات
» منتدى جديد لي مايلي
» منتدى حلووووو حداا